kulturgeschicht.lu

ënnerschiddlech Facettë vum Lëtzebuerger Patrimoine

De Site www.kulturgeschicht.lu baséiert op der Virliesungsrei “Kulturgeschicht Lëtzebuerg”, organiséiert vum Institut fir Lëtzebuerger Sprooch- a Literaturwëssenschafte vun der Universitéit Lëtzebuerg.

Ausgewielten Auteuren hunn zu hirem Themeberäich Virträg gehalen, déi duerno didaktesch opbereet an zesummegefaasst goufen, fir d’Gréisst an den Niveau vum Text de Schülerinnen a Schüler unzepassen.

Zu ënnerschiddleche Beräicher vu Lëtzebuerg gi vill Informatiounen a Quellen ugebueden. Online si schon Kapitel zu der Geschicht vu Lëtzebuerg, der Wirtschafts- a Sozialgeschicht, der Sproochegeschicht, der Theaterentwéckulung an der Mediegeschicht.

Fir dës Woch ginn elo weider Facettë vun der Lëtzebuerger Kulturgeschicht ugebueden; ë. a. Dossieren zu dem immaterielle Kulturierwen um Beispill vun der Iechternacher Sprangprozessioun oder och der Kulturpolitik.

All weider Informatioune fannt dir op www.kulturgeschicht.lu.

Alles op ee Bléck

Wat?
Kulturgeschicht.lu
Firwat?
Dir wëllt mat Informatiounen, Dokumenter a Quellen ronderëm d’Lëtzebuerger Kulturgeschicht schaffen an dës méi geziillt ënnert d’Lupp huelen?
Wien?
Virun allem all interesséiert Klassen a Léierpersounen aus dem Secondaire.
Wou?
Bei iech an der Klass oder och fir doheem.